Famous Tamil Astro Jyotish Best Point

- வான சாஸ்திர அடிப்படையில் இந்த ஜோதிட சாஸ்திரமானது வான மண்டலத்தில் உள்ள ஒன்பது கிரகங்கள் மற்றும் 27 நட்சத்திரங்களையும் ஆதாரமாகக் கொண்டு அமைக்கப்பட்டுள்ளது. விதி என்னும் நியதிப்படி தான் இந்தப் பிரபஞ்சமும் அதில் உள்ள கிரகங்களும் ஜீவராசிகளும் இயங்குகின்றன. இவற்றில் மனித ஜீவன் மட்டும்தான் தன்னுடைய விதி அமைப்பு என்ன? எவ்விதமான நியதி உருவாக்கப்பட்டுள்ளது? என்பதை ஓரளவேனும் அறிந்து அதற்கேற்ப செயல்பட வேண்டும் என்பதற்காக ஜோதிட சாஸ்திரம் உருவாக்கப்பட்டுள்ளது. இது வானசாஸ்திர அடிப்படையிலான விஞ்ஞானம் ஆகும். இதில் மந்திர, தந்திர, மாயம் மற்றும் மூடநம்பிக்கைகள் ஏதும் இல்லை. கணக்கீடுகளின் அடிப்படையில் கிரகங்களின் நிலையை அறிந்து அந்த கிரகங்கள் எந்த வகையில் மனித வாழ்வில் மாற்றங்களை ஏற்படுத்தும் என்பதை முன்கூட்டியே அறிந்து கொள்ள உதவுவதே ஜோதிட சாஸ்திரமாகும். வானவியல் சார்ந்த கணக்கீடுகளின் படி சூரிய சந்திர கிரகணங்களையும் வானிலைகளையும் அறிவிப்பது போல் மனிதனுக்கு ஏற்படக்கூடிய நன்மை தீமை ஆகியவைகளை விளக்குகிறது. இதன்படி ஒருவருக்கு ஏற்படக்கூடிய இன்ப துன்பங்களையும் லாப நஷ்டங்களையும் அடையாளம் கண்டு கொள்வது எளிதாகும். இதனால் வாழ்வில் வெற்றி பெறுவதற்கான வழிகளைச் சிந்தித்து செயல்பட்டு மகிழ்ச்சியுடன் வாழ்ந்திட நிச்சயமான தெளிவான வாய்ப்பு உள்ளது. வானசாஸ்திர அடிப்படையில் உள்ள ஜோதிட சாஸ்திரத்தின் கண்களாக சூரியனும் சந்திரனும் விளங்குகின்றது. ஜோதிட சாஸ்திரங்கள் சூரிய முதலிய நவக்கோள்களின் சஞ்சாரத்தை அடிப்படையாகக் கொண்டே இயற்றப்பட்டுள்ளது. சூரியன் ஆத்ம காரகன் அதாவது உயிர் காரகன். அதுபோல் சந்திரன் உடல் காரகன் அதாவது மனோ காரகன். உடலும் மனமும் மனித வாழ்வில் முக்கிய அங்கம் வகிக்கின்றன. உலகம் தோன்றி மனிதன் விவரம் அறிந்து கொண்ட நாள்முதல் கிரகங்களுக்கும் மனித வாழ்வுக்கும் உள்ள தொடர்பைப் பற்றிய இடையறாத ஆராய்ச்சிகள் நடந்து கொண்டே இருக்கின்றன. இன்றைய நவீன விஞ்ஞானம் தொடர்பு உண்டு என்பதை ஒப்புக் கொள்கின்றன. இப்போது அனைவரும் உணர்ந்து ஏற்றுக்கொள்கின்றனர். இதை பல்லாயிரம் ஆண்டுகளுக்கு முன்பே வராகமிகிரர் போன்ற வான சாஸ்திர நிபுணர்கள் தங்கள் மெய்ஞ்ஞானத்தால் உணர்ந்து நிரூபித்ததோடு ஜோதிட சாஸ்திரங்களையும் இயற்றி நமக்கு அளித்துச் சென்றனர். ஒருவர் பிறந்த நேரத்தை கணித்து லக்கினம் நிச்சயம் செய்து மற்ற கிரகங்களின் சஞ்சாரத்தை வைத்து அவரின் எதிர்காலத்தை அறிந்து கொள்ள உதவும் கணிதமே ஜோதிட சாஸ்திரமாகும். இந்த கணித ஞானமானது இறைவன் மனிதனுக்கு கொடுத்த சிறந்த வரமாகும். இதனை மக்களுக்கு விளங்கவைத்து, நல்வழி காட்டி, வாழ்வில் வெற்றிபெற உதவுபவரே சிறந்த ஜோதிடர் ஆவார்.

- திருமணம் ஆயிரம் காலத்துப் பயிர் என்பது சான்றோர் வாக்கு. இல்லற வாழ்க்கை இனிமையாக அமைய வேண்டுமானால் ஆண் பெண் இருவரின் ஜாதகங்களையும் சரியாக கணித்து பொருத்தம் பார்க்க வேண்டும். பொருத்தம் பார்ப்பதில் இரண்டு முறைகள் உள்ளன. அவற்றில் ஒன்று நட்சத்திர பொருத்தம். மற்றொன்று ஜாதக பொருத்தம். இதில் நட்சத்திர பொருத்தம் என்பது தூல பொருத்தமாகும். இது குண ஒற்றுமைக்கான பலன்களை கூறும். ஜாதகப் பொருத்தம் என்பது சூட்சும பொருத்தமாகும். இது யோக, தோஷ அமைப்புகளையும் வருங்கால முன்னேற்றங்கள், வாழ்வில் ஏற்படகூடிய சுக துக்கங்கள் பற்றிய விபரங்களையும் சுப அசுப பலன்களையும் விபரமாகத் தரவல்லது. ஆகவே திருமண பொருத்தம் பார்க்கும்போது நட்சத்திரப் பொருத்தங்களோடு ஜாதகப் பொருத்தங்களை அவசியம் விளக்கமாக பார்த்துக்கொள்ள வேண்டும். ஜாதகரீதியாக கிரக பலன்கள், திசை புத்தி பலன்கள், யோக பலன்களை ஒப்பிட்டுப் பார்த்து சரியான ஜாதகங்களை இணைத்தால் நல்ல மணவாழ்க்கை அமைந்து குடும்ப சுகமும் புத்திர பாக்கியமும் உண்டாகும். ஜாதகரீதியாக கிரக பலன்கள், திசை புத்தி பலன்கள், யோக பலன்களை ஒப்பிட்டுப் பார்த்து சரியான ஜாதகங்களை இணைப்பது நன்மை தரவல்லது. நட்சத்திரப் பொருத்தங்களில் தினப் பொருத்தம், கணப் பொருத்தம், யோனிப் பொருத்தம், இராசி அதிபதிப் பொருத்தம் ஆகியன தம்பதியருக்கு குண ஒற்றுமையைத் தரவல்லது. மகேந்திரப் பொருத்தம், இராசிப் பொருத்தம், நாடிப் பொருத்தம் ஆகியன புத்திர பாக்கிய யோகத்தை தரவல்லது. மேலும், பெண் தீர்க்கப் பொருத்தம், ரஜ்ஜு எனப்படும் கயிறுப் பொருத்தம், வேதைப் பொருத்தம் ஆகியன ஆயுள் விருத்தியை தரவல்லது. இவைகளுக்கு ஏற்றார் போல ஜாதகத்தில் குடும்ப ஸ்தானம், சுக ஸ்தானம், புத்திர ஸ்தானம், களத்திர ஸ்தானம், மாங்கல்ய ஸ்தானம், சயன போக ஸ்தானம் ஆகியன ஒன்றுக்கு ஒன்று பொருத்தமானதாக உள்ளதா? என ஆய்வு செய்து பொருத்தம் நிர்ணயிக்க வேண்டும். அப்படி அமைத்தால் நல்ல மணவாழ்க்கை அமைந்து குடும்ப சுகமும் புத்திர பாக்கியமும் வாழ்வில் எல்லா நலமும் வளமும் உண்டாகி லாபமும் மகிழ்ச்சியும் நிலவும்.

- உலகில் உள்ள அனைத்து பொருள்களும் வஸ்து என்று குறிக்கப்படும். அதற்கு அதிபதியாக உள்ளவரை வாஸ்து பகவான் என்று குறிப்பர். மனிதன் பாதுகாப்பாக வாழ்ந்து கொள்வதற்கு வீட்டை அமைத்துக் கொள்கிறான். வீட்டின் அமைப்பின் படியும் அந்த வீட்டில் அமைக்கப்படும் பொருள்களின் தன்மைக்கு ஏற்பவும் வாஸ்து பகவானின் அருள் கிட்டும். வாஸ்து பகவானின் நல்லருள் உண்டெனில் செல்வம் சேரும், ஆரோக்கியம் நிலைக்கும், உறவினர் ஆதரவு கிட்டும், அந்தஸ்து உயரும், மன மகிழ்ச்சி உண்டாகும், பிள்ளைகள் நலம் பெறுவர், குடும்பம் செழிக்கும், குதூகலம் உண்டாகும், இறையருள் கிட்டும், இன்பம் பெருகும். வாஸ்து பகவானின் அருள் இல்லாவிடில் பிரச்சனைகள் வரும், துன்பங்கள் உண்டாகும், உயிர் ஆபத்துகள் கூட ஏற்படும். இவற்றைத் தவிர்த்திடவும் வாழ்க்கை வளம்பெறவும் வாஸ்து சாஸ்திரத்தின்படி வீட்டை சரியாக அமைத்துக்கொள்வது நல்லது. இயற்கையாகிய பூமியின் சுழற்சிக்கு ஏற்ப திசைகளையும் பஞ்ச பூதங்களையும் சார்ந்த விதமாகக் கட்டிடங்கள் அமைத்திட வழிகாட்டுபவையே மனையடி வாஸ்து சாஸ்திரங்கள் ஆகும். விஞ்ஞான துறையில் முன்னேற முன்னேற மனிதன் வீடு கட்ட ஆரம்பித்து பூமி, நீர், தீ, காற்று, ஆகாயம் எனும் பஞ்ச பூதங்களின் ஒற்றுமையின் விகிதங்களை அறிந்தான். அவற்றில் சுப அசுப விளைவுகளை உருவாக்கவல்ல நுட்பங்களை கணித்து இயற்றப்பட்ட வாஸ்து சாஸ்திர நுணுக்கங்களை புரிந்து கொண்டான். தொன்று தொட்டு நம் நாட்டில் மனையடி சாஸ்திரம் பின்பற்றப்பட்டு வருகின்றது. இது பஞ்சபூதங்களின் ஆற்றலை திசைகளின் அடிப்படையில் விளக்கும் தொழில்நுட்ப கலையாக விளங்குவதால் மனையடி வாஸ்து சாஸ்திரம் அறிந்தவர் சமூகத்திற்கு ஒரு நல்ல வழிகாட்டி ஆவார். இயற்கையை வெல்ல வேண்டும் என்ற ஆசையை விட அவற்றின் ரகசியங்களை அறிந்து அவற்றை எதிர்க்காமல் அவற்றின் இயல்புகளை அனுசரித்தால் இயற்கை தானாக மனிதனுக்கு வரம் அளிக்கும். அதற்கு வாஸ்து சாஸ்திரம் துணை செய்கிறது. இதன் மூலமாக நாம் நிச்சயமாக அதிர்ஷ்ட பலன்களையும் முன்னேற்றங்களையும் பெற்று வாழ்வில் வெற்றிபெற முடியும்.

- பிரபஞ்ச சக்திகள் அனைத்தும் பூமியை சுற்றியுள்ள நவக்கிரகங்களின் மூலமாக உலகில் உள்ள அனைத்து உயிரினங்களுக்கும் அளிக்கப்படுகிறது. உலகில் உள்ள அனைத்து உயிரினங்களிலும் பகுத்தறிந்து உணரும்தன்மை மனித இனத்திற்கு மட்டுமே உள்ளது. அந்த நுண்ணறிவினால் பிரபஞ்ச சக்தியை அறிந்து அதை எண்களைக் கொண்டு பயன்படுத்தும் யுக்தியே எண்கணித சாஸ்திரம் ஆகும். பிரபஞ்சத்தில் இருக்கக் கூடிய கிரகங்களின் சக்திகள் மனிதனின் உடலில் மூலமாக ஈர்க்கப்படுகின்றன என்பதை உணர்ந்த நம் முன்னோர்கள் கிரகங்களுக்கு ஏற்ப ஒவ்வொரு கிரகத்திற்கும் ஒவ்வொரு எண்களை அடையாளமாகச் சூட்டினார்கள். இந்த எண்களின் மூலமாக ஒவ்வொருவரின் ஆன்ம சக்தியை அதிகரிக்க இயலும் வகையில் எழுத்துக்களுக்கும் எண்களை கொடுத்து அவற்றின் மூலமாக கிரகங்களால் ஏற்படும் சுப அதிர்வு சக்தியை அதிகப்படுத்தி கொண்டார்கள். இதுவே எண்கணிதம் என்னும் நுட்ப சாஸ்திரம் ஆகும். சித்தர்களால் உருவாக்கப்பட்ட தமிழ் முறை எண்கணித சாஸ்திரம் காலப்போக்கில் பல ஆராய்ச்சிகளுக்குப் பிறகு நியூமராலஜி என்ற முறையில் இப்போது விளங்கிவருகிறது. நம் ஒவ்வொருவரின் பெயரிலும் ஒவ்வொரு சக்திகள் இருக்கின்றன. அந்த சக்திகளை தகுந்தவிதத்தில் சரியான எண்கணித முறையில் அமைத்துக் கொள்வதன் மூலமாக நாம் நினைக்கக்கூடிய எண்ணங்கள் மற்றும் செயல்கள் யாவும் எண்ணிய விதத்தில் செய்து முடிக்கக் கூடிய வல்லமையை அந்தப் பெயரும் அந்தப் பெயரைக் கொண்ட எண்கணிதமும் நமக்கு தரவல்லது. மனதில் எண்ணங்களையும் செயல்பாடுகளையும் உருவாக்குபவைகளாக பெயர்கள் விளங்குகின்றன. சாதாரணமாக நியூமராலஜி அல்லது எண்கணிதம் எனபது பிறந்த தேதியை அடிப்படையாகக் கொண்டது. இதில் எழுத்துக்களின் அதிர்வுகளின் கூட்டுத்தொகை மட்டும் கணக்கிடப் படுகிறது. ஆனால் எண்கணிதங்களில் பெயர் விஞ்ஞான சூட்சும எண்கணித பிரமிடு முறை என்பது எழுத்து உச்சரிப்புகளின் இணைப்பையும் கணக்கிட்டு பலனறியப் படுகிறது. இதில் நுட்பமான அதிர்ஷ்ட பலன்களையும் சிறப்பான யோகபலன்களையும் தெளிவாக துல்லியமாக அறிந்துகொள்ள முடிகிறது. இவற்றை நன்கு அறிந்து பயன்படுத்துவதன் மூலமாக உன்னதமான முன்னேற்றங்களை நம் வாழ்வில் பெற முடியும். ஜோதிடம் நம் வாழ்வின் ஒரு முக்கிய அங்கமாக நம்மை வாழ்வில் வளம் பெற வைக்கின்றது.

- வாழ்வில் தனது நிலை என்ன? நல்லகாலம் எப்போது? எந்த திசை எந்த புத்தி நன்மை செய்யும்? ஆரோக்கியம் எப்படி? குடும்ப பலன்கள் எப்படி இருக்கின்றன? நண்பர்களால் பயன் உண்டா? வாழ்க்கைதுணை சிறப்பாக அமையுமா? பிள்ளைகளால் நிம்மதி உண்டாகுமா? தொழில் விருத்தி எப்போது? எப்படி? லாபங்கள் உண்டா? சொந்தவீடு வாகன யோகங்கள் உண்டா? எப்போது? அரசு உத்தியோக வாய்ப்பு உள்ளதா? வெளிநாடு வாய்ப்பு எப்போது? சொத்துவாங்க கனிந்த காலம் எப்போது? என்பது போன்ற உங்கள் வருங்காலம் பற்றி தெளிவாக அறிந்துகொள்ள அணுகுங்கள். ​​உங்கள் பிறந்த தேதி, நேரம், பிறந்த ஊரின் சூரிய உதயத்தைக் கொண்டு துல்லியமான முறையில் ஜாதகத்தைக் கணிக்கின்றேன். இதில் இராசி சக்கரம் முதலிய சோடச வர்க்கங்களையும் நட்சத்திர சாரங்களையும் கொண்டு கிரக பலத்தை ஆய்வு செய்து சுப மற்றும் அசுபத் தன்மைகளை கணக்கிட்டு, ஜாதகப் பலன்களை நிர்ணயிக்கின்றேன். மேலும் எண்கணித சாஸ்திரம், பெயரியல் சாஸ்திரம், அதிர்ஷ்ட நவரத்தின சாஸ்திரம், ஆரூட சாஸ்திரம், மனையடி சாஸ்திரம், வாஸ்து சாஸ்திரம் மற்றும் சித்தர்களின் ஜோதிட சாஸ்திரங்கள் ஆகியவற்றின் துணை கொண்டு உங்களுக்கு ஜோதிட பலன் சொல்கின்றேன். உங்களுக்கு தக்க துணையாக இருந்து வழிகாட்டுவதை சத்தியமான தெய்வம் எனக்கிட்ட கட்டளையாக ஏற்றிருக்கின்றேன். எல்லோரும் இன்புற்று வாழ்க. எல்லாம் செயல்கூடும் என்ஆணை அம்பலத்தே எல்லாம் வல்லான் தனை ஏத்தி மகிழ்வோம்.

- இந்திய வேத முறை ஜோதிட சித்தாந்த சாஸ்திரங்களின் நுட்ப ரகஸ்யங்களை விஞ்ஞான முறையில் ஆராய்ச்சி செய்து, நமது மையமான Famous Tamil Astro Jyotish Best Point மக்களுக்கு நல்வழிகாட்டி, கடந்த 27 வருடங்களாக தன் பயணத்தில் வெற்றிநடைபோட்டு சிறப்புற இயங்கிவருகின்றது. இதற்கு ஒத்துழைப்பு வழங்கிய அனைவருக்கும் நன்றிகலந்த வணக்கங்களைத் தெரிவித்துக் கொள்கிறோம். மேலும் உங்கள் வாழ்வில் நலமும் வளமும் பெருகிட உங்கள் சேவையில் என்றென்றும் துணை நிற்போம். உங்கள் வருங்காலம் பற்றி அறிந்துகொள்ள, அறிவுக்கண்ணை திறந்துகொள்ள, ஆனந்த வாழ்க்கையை அடையாளம் கண்டுகொள்ள உங்கள் சேவைக்காக எங்களை அழைத்திடுங்கள். உங்களுக்கு சுலபமான விதத்தில் சேவை செய்திட நமது Online consulting சேவை மிகவும் பயனுள்ள விதத்தில் செயல்படுத்தப்பட்டு வருகிறது. உங்களுக்கு தேவையான அனைத்து ஜோதிடசேவைகளும் திருப்திகரமான விதத்தில் துரிதமாக நிறைவேற்றுகிறோம். நீங்கள் வீட்டிலிருந்தபடியே சிறப்பான ஜோதிட ஆலோசனைகளையும் ஜாதகப்பதிவுகளையும் பெற்று வாழ்வில் வளம் பெறலாம். உண்மை, நேர்மை, அறிவு, தெளிவு இவையே நமது தாரக மந்திரமாகும். நீங்கள் உலகில் எங்கிருந்தாலும் கடவுளின் கிருபை இதை உங்களுக்கு காண்பிக்கும்.